·
律師行：
首先你要見面同律師傾，閒閒地都收你$2,000/hr，之後出封律師信警告欠債人，先決條件係你要有佢地址，一封都$1,000起跳，欠債人如果唔理你，你就要律師寫起訴狀，$10,000走唔甩
好喇入戲肉，律師要上庭幫你打官司，費用$2,500 - 8,000/小時，初次聆訊 (1次)，提訊 (2 - 3次)，審訊 (2次)，陳生你大把錢唔緊要，你有冇大把時間？每一庭中間要等8 - 12星期，日期冇得你揀，你OK嗎？過程會有人勸你庭外和解，和解咗都要俾錢律師
等咗一年幾，法庭判咗陳生你勝訴，佢死都唔找俾你 (或者根本冇上庭)，咁你可以點？清佢盤？清盤$14,000起跳，再上庭，再燒錢，再燒時間，分分鐘搞你3年，清盤失敗你仲要賠訟費
你知道嗎？當你積極行法律嗰陣，欠債人已經有充足嘅時間轉換資產走佬 (執達吏成功率只有12%)
合法收數公司：
首先職員會同你通電話或見面了解事情，未正式委托之前都唔會收你錢，亦都唔會做任何嘢去追數，最多幫你免費查下欠債紀錄
了解完就會報價，一般都係按成功追到嘅金額嘅N%，可能係30%，可能係50％，視乎你單嘢嘅追收難度，你OK咗就正式委托，正式委托會有一份委托文件，一般都唔會有事前收費 (除非你單嘢咩資料都冇要搵私家偵探)
正式委托之後就會喺委托期幫你追數，首先幫你搵欠債人痛點，用呢啲痛點俾壓力，仲會用好多專業技巧同佢談判，收數過程基本上唔洗你自己搵欠債人，收唔到條數都唔會有收費，對你冇損失
總結：
搵律師行先燒錢燒時間唔包收數，搵收數公司成功收數先要俾錢，兩者最終目的都係和解，咁點解要先燒錢燒時間呢？