清盤數字創14年新高：由治及興帶嚟嘅好處
2023年，香港共有566間公司被迫清盤，呢個係過去14年嚟最高紀錄。被譽為「清盤王」嘅黎嘉恩，喺接受《時事全方位》嘅訪問時指出，短期內清盤數字唔會減少，「一聽到國內企業，佢哋(外資)就唔考慮投(資)，呢個係過去一年嘅事實」。呢個對香港嘅經濟產生咗連鎖效應，例如地產投資意慾下降，影響咗建築物料供應商，再波及到其他行業。
根據破產管理署嘅資料，2023年共有7,860個人申請破產，按年增加13.6%。黎嘉恩指出，短期內破產嘅數字亦唔會減少，未來嘅走勢就要睇息口幾時回落同埋外國資金會唔會返嚟香港。
清盤只不過係財技，唔代表冇錢
不過，有好多公司明明大把錢，拖欠咗服務費同貨款之後，私下轉移公司資產，然後再將公司清盤。呢啲公司嘅負責人通常會將清盤當係一種財技同恆常操作，例如係酒樓。由於大部分服務商同供應商係無抵押債權人，而清盤嘅公司通常已經轉走曬啲錢，再加上係有限公司，個人唔洗上身，所以基本上只能眼白白睇住佢哋換個招牌再大搖大擺做生意。如果嘗試向佢哋追數，未必合法。
想搵合法收數公司追數？佢哋都無能為力，因為一聽到對方清咗盤，正規嘅收數公司就知搏唔過，追落去可能會犯法。有啲老闆就會諗，如果搵人淋紅油、塞鎖匙窿、掛豬頭，甚至請幾個MK仔郁佢，逼唔逼到對方找數呢？欠債係民事，唔洗坐監；呢啲係刑事，有咩留返同個官講。仲有，呢啲人幫你做嘢一定要收好高嘅起動費，畢竟衰咗要坐監，篤唔篤你出嚟又唔知，你甚至要擔心會唔會俾佢哋屈你住院費、茶錢，唔肯再俾就對你不利。
作為服務商同供應商，你應該保持警覺，唔好等到對方執笠先追數。3個月內收唔到錢，就應該及早行動，搵合法嘅收數公司幫手。合法嘅收數公司識得避重就輕，知道邊啲做得邊啲唔做得，就算收唔返啲錢，都唔會令你同公司有麻煩要上身。
上門收數合唔合法？
不時都有新聞報道，收數佬上門收數被捕嘅情況。上門收數本身係合法嘅。咁點解有啲人會被捕呢？原來係因為佢哋涉嫌刑事毀壞、恐嚇同埋傷人。只要冇呢啲行為，上門收數係完全合法嘅。
收數公司係提供收數服務嘅機構，佢哋可能會上欠債人嘅屋企同公司度追數。某啲情況下，欠債人賴皮，連電話都唔聽。呢個時候，收數公司就會派員上門，同欠債人講解條數嘅狀況同埋要求還款。
所以，大家要明白，只要喺合法範圍內進行，冇使用任何違法嘅手段，上門收數本身係合法嘅。合法嘅收數公司可以有好強硬同好狠嘅手段，但係佢哋嘅目標係收返條數賺錢，唔係攞欠債人同自己命仔。因為，收數一樣係打開門做正當生意，都係求財。
搵收數公司？
Debt Hunter 成立於2009年，為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。