收數係唔少老闆嘅煩惱。明明已經起曬貨，但係遲遲收唔返啲錢，想搵收數公司又十五十六。但係唔洗擔心，今日就教你點樣自己收數，解決付款爭議，收返啲血汗錢。
1. 了解自己嘅籌碼
你有冇同佢簽合約？你掌握佢幾多資料？有冇佢地址？呢啲通通會影響你收數嘅成功率。
2. 了解對方點解拖欠或拒絕付款
凡事都冇100%啱同錯，付款爭議難免出現。知道自己有冇衰，究竟衰咩好重要，先可以對症下藥。佢可能明確表示唔會俾錢，並且認為責任喺你度。例如，認為你遲咗起貨、服務或貨品質素差、或者覺得收費唔清晰。
3. 分析對方講嘅係理由定係借口
例如佢係咪純粹唔同意金額，想扣數？扣減嘅項目合理嗎？你有更強嘅證據證明佢嘅理由唔成立嗎？
A. 對方願意溝通，又想解決問題
如果佢願意溝通，又想解決問題，你可以嘗試同佢傾或對數。但前提係你要有良好溝通嘅技巧，諗清楚自己有咩可以讓步，估計要用幾耐時間可以達成共識，同埋如果傾唔掂要點做。
B. 對方唔願意溝通/迴避/消失，唔想解決問題
如果佢唔合作，甚至消失，你可以搵佢公司嘅負責人傾下，可能負責人根本唔知呢件事。但你聯絡開嗰位係咪負責人？如果唔係，你有方法搵到佢公司嘅負責人嗎？
4. 自己收數追數之前，先諗諗以下問題
- 溝通同時間成本有幾多？會唔會影響公司日常運作？
- 同樣嘅溝通同時間成本，用嚟收數追數，定係做其他生意更好？
- 你知唔知道佢咩背景？有冇後台？你惹得起嗎？
- 有冇訂立期限，自己收唔到就搵收數公司？
- 如果放棄唔追，周圍都知道你做嘢可以唔收錢，對你公司有影響嗎？
5. 千祈唔好犯起底法
起底係指未經資料當事人同意，披露其個人資料，並意圖或罔顧該披露是否會導致資料當事人或其家人蒙受任何指明傷害嘅行為。起底行為可能觸犯刑事罪行，最高可被處罰款港幣100萬元及監禁5年。
6. 千祈唔好揭底牌
好多人都以為俾個最後通諜佢，同佢講再唔找數就搵收數公司，以為咁樣佢會驚。事實上當佢知道你會搵收數公司之後，可能佢會提早走佬，可能佢會更加唔合作甚至做一啲過激嘅行為——事實上有啲收數公司係會同欠債人談判對數，甚至扮演一個非常積極嘅和事佬，唔俾佢知道自己係收數佬，令佢放低戒心找數。如果同佢講收數公司會介入，只會斷咗日後搵收數公司嘅後路。所以唔應該俾佢知道收數公司嘅存在，適當地沉默令佢囉囉攣，冇人知你底牌係點。
7. 尋求專業協助
如果自己盡咗力或者嫌麻煩，不妨考慮搵收數公司幫手。香港有唔少嘅收數公司，通常會用一啲文雅嘅稱呼，如賬務催收、信用管理、資產管理公司等。
搵收數公司？
Debt Hunter 成立於2009年，為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。