香港收數公司林立，手法各異，由正派到黑底，由專業到老千，真係無奇不有。今次就帶大家深入了解收數公司嘅世界，分析唔同類型嘅收數公司，佢哋嘅特點、手法、服務對象等等，教你點樣揀適合自己嘅收數公司。除此之外，文章亦會提供委託收數公司前必問嘅問題，以及簽合約時需要注意嘅事項，希望大家可以揀到適合自己嘅收數公司，順利追回欠款。
1. 「老牌」保守派
佢哋係銀行、大型財務機構嘅「御用」收數公司，有嚴格嘅流程規矩，流水作業，大量「生產」。佢哋專門處理一啲性質較為單一、冇爭議嘅數。銀行搵呢啲收數公司係想走流程，佢哋就想「扑傻瓜」。而對付「頑固」嘅欠債人或複雜少少嘅個案，可能就顯得「力不從心」。
- 主要流程：重覆地寄信、打電話
- 主要客戶：大型銀行、財務機構、電訊公司、信用卡公司
2. 「積極」務實派
佢哋冇特定嘅客群，無論係商業數、私人數，只要有合法理據，唔係口講無憑就可以開工。佢哋手法靈活變通，擅長談判，同欠債人打心理戰，有需要仲會掩飾收數身分，博取欠債人信任，所以成功率較高。間間都標謗合法，但難免有個別收數佬失控踩界，或有人假扮債主老作欠款，所以一般都會簽合約保障大家。
- 主要流程：視乎個案同債主要求，靈活變通，一般都會上門談判
- 主要客戶：工程公司、批發商、服務商、各行各業
3. 「違法」暴力派
佢哋一般都有黑社會背景，就算係電話數、貴利、外圍賭博，合唔合法都照單全收，通常會用暴力方法追數。恐嚇、打人、禁錮、淋紅油樣樣齊，做犯法嘢一定唔會留底，自然唔會簽合約，有咩事債主一齊上身。
- 主要流程：恐嚇、打人、禁錮、淋紅油
- 主要客戶：黑社會、電話數、貴利、外圍賭博
4. 「騙子」老千派
問債主定係欠債人拎錢容易啲？當然係債主。佢哋會話自己有100%成功率，老細做過美國中情局，連稅務局都係佢哋個客。呢啲收數公司開頭就已經會問債主拎一筆為數唔少嘅「按金」、「保證金」，甚至超過欠款金額本身，收完錢當然唔會做嘢，之後可以繼續呃，「我啲兄弟要食飯」、「個收數佬俾人打傷」。你唔俾，佢就追到你肯俾為止，甚至用暴力方法。
- 主要流程：由始自終都冇行動，只向債主收錢
- 主要客戶：願者上釣
間間收數公司都話自己天下無敵
如果你個故仔都未講完，佢就已經急住報價，淨係吹自己有幾勁，完全唔理你個情況，咁就要小心，呢啲公司一定有鬼。真正有實力嘅收數公司，會認真聽你講晒個故仔，問到好深入先至報價。因為佢哋想了解清楚成件事，睇下點樣幫你解決問題，用最有效嘅方法追返最多嘅欠款。
委託收數公司前，一定要問清楚以下問題：
- 事前收費幾多？
- 收到拆幾多%？
- 追唔到有冇收費？
- 委託期幾耐？
- 會用咩方法同策略？
揀啱心水嘅收數公司之後，記得要簽合約，而且要睇清楚合約條款，有冇隱藏收費或者魔鬼細則，冇問題先至簽。記住，唔好貪平，唔好貪快，揀收數公司一定要小心謹慎，唔好俾人呃。
搵收數公司？
Debt Hunter 成立於2009年，為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。