金融界入面有個特別嘅行業，賴皮狗嘅剋星同惡夢，佢哋就係收數公司。
銀行、財仔、供應商、工程公司收唔返嘅錢，佢哋都有辦法。收數行業喺金融風險控制嘅最後一環，佢哋就係幫成個行業嘅佢哋手入面嘅單，普遍可以分為一手、二手同埋common。
行內術語：一手單、二手單、common
一手單就係未有收數公司追過嘅；二手單就係有其他公司追過嘅，但係都無結果；common就係最難追嘅，一般欠債人都爭到周街數，債主由街頭排隊排到街尾。
呢啲單入面，一手單最容易收，收費亦都係最平，通常佣金喺25-35%之間；common佣金最高，最少都收50%以上，收到一單1000萬嘅，賺到架法拉利。不過，喺呢個競爭咁激裂嘅行業入面，賺多賺少都係靠自己本事。中規中矩嘅，賺行業裏面20%嘅錢；專業啲嘅，賺80%嘅錢。只有最頂級嘅收數佬身上，先會出現真正嘅財富故事。佢哋識得喺法律框架同效率之間搵個平衡，富貴險中求。
收數公司嘅核心技能：捉住欠債人嘅軟肋
喺呢度我只介紹正規嘅收數公司。一般企業3個月都仲未收到錢，就會交俾收數公司。收數佬嘅核心技能，就係喺短時間內捉住欠債人嘅軟肋，精準打擊要害。例如，對於餐廳老闆嚟講，由佢哋嘅供應商嗰度入手最好，打俾供應商話搵唔到陳大文再留電話，9成供應商都會同返餐廳講，簡單、粗暴、高效。
對於啲會出去商會社交下嘅老闆，最驚身敗名裂。原本被當係成功人士，最驚就係行家知道自己爭人錢。再狠啲嘅，就係扮客人去佢公司，拎張法庭訴訟紀錄俾佢啲伙記睇，俾佢啲伙記知公司連租都冇錢交，搞到人人擔心冇糧出。
如果話收數只係靠講粗口兇人賺錢，咁你嘅理解仲係第一層。收數公司嘅目的唔係兇人，係為咗成功幫客人收返啲欠款。
收數公司嘅戲法：博取欠債人信任
一個技巧高超嘅收數佬，唔止要轉數快，仲要有表演天賦。呢種收數佬，會針對欠債人嘅身份，扮演某啲角色，掩飾身分，博取欠債人信任。例如有啲欠債人，俾收數佬追到煩，產生咗逆反心理，唔係無錢，就係唔想還。想要欠債人滿意，就要捉住佢嘅心理，佢而家最想見到嘅，就係收數佬付出代價。
正所謂「兵無常勢，水無常形」。呢個時候收數公司向客人借Office一用，搵一個收數佬扮老闆個仔接見欠債人。欠債人見到「大少」親自接見，自然覺得好有面子，仲講出自己資金周轉困難嘅原因。呢個時候另一個收數佬就入嚟被「大少」鬧，再經過一唱一和，欠債人應承分期付款，還完錢到宜家都唔知真相，同客人仍然關係良好。
收數公司嘅意義：讓欠債人懸崖勒馬
收數，從某個角度嚟講，都係俾欠債人一個懸崖勒馬嘅機會。欠錢唔還嘅人入面，大部分都係條數大到足以摧毀希望，需要一個人話俾佢哋聽，還錢呢件事，You can do it。有啲收數佬之前喺銀行做嘢，有啲喺律師樓做嘢，佢哋會同欠債人講，自己以前嘅客人點樣由欠幾十萬，到淨資產幾千萬，令欠債人覺得自己有希望東山再起，再以情動人，以理服人，欠債人就只好乖乖還錢。
自從貨幣被發明嗰日開始，收數行業就從來冇消失過。雖然宜家收數公司嘅營運模式同八、九十年代已經好大分別，但係背後嘅大原則從來都冇變過。有滿足唔到嘅慾望，就還唔到嘅欠款，就有收數嘅存在。
搵收數公司？
Debt Hunter 成立於2009年，為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。