好多人要搵收數公司，都想搵一間合法得嚟成功率夠高，但間間都話自己最專業、最高成功率、最多客戶選擇、天下無敵，尤其是第一次搵收數公司，真係要謹慎選擇，尤其是留意收費模式。收數公司收費模式主要分3大類：定額收費、不成功不收費、混合式收費。
1. 定額收費
呢類收數公司通常會喺行動之前收取一筆固定嘅費用，無論最後條數追到幾多，定係完全追唔到，佢哋最主要嘅目標都係點樣喺委託人身上拎到最多嘅錢。對佢哋嚟講，喺委託人身上賺錢往往比追數更容易，因為委托人已經俾過錢，洗濕咗個頭。
你亦唔需要期待佢哋會有幾積極去追數，因為佢哋嘅積極程度根本唔會影響到佢哋嘅收入。相反，佢哋更傾向搵更加多新客戶，收取更多前期費用。畢竟，前期費用先係佢哋主要嘅收入來源。
2. 不成功不收費
呢類收數公司同委託人拆賬，根據最後條數追到幾多，一般按約定百分比20%至50%收費。如果完全追唔到條數，無論佢哋做咗幾多嘢，都唔會有任何收入。委託人唔需要承擔任何前期成本，只有成功追數先需要收費，更符合經濟效益，亦都激勵咗收數公司更加積極努力追數，成功率相對高，風險相對低。
佢哋有可能選擇性接案，遇到一啲高成本低回報嘅個案 (例如追幾千蚊但欠債人俾假地址)，佢哋一係唔接，一係開高收費比例。喺佢哋角度，一定優先追一啲成本效益高嘅數，呢個係人之常情。
3. 混合式收費
呢類收數公司通常會用不成功不收費作為包裝，吸引委託人。但佢哋會要求委託人喺佢哋公司開戶口，而且每年都需要俾年費，金額通常喺HK$5,000 - $10,000之間。呢個做法保障收數公司收入來源，但同時增加委託人成本。
同第一類一樣，佢哋可能更傾向喺委託人身上賺錢，而唔係積極追數，因為已經收咗年費，呢筆收入係確定嘅。不過佢哋嘅玩法係每年收費，一定會出啲睇落去好專業嘅Report留住你，但收唔收到錢係另一回事。
不成功不收費 = 易請難送？
易請難送係指一種服務模式下，服務提供者好容易接受客人訂單，但未能完成服務或交付產品，而依然向客人收取服務費。不成功不收費嘅收數公司既然更可能選擇性接案，而且唔會收取前期費用，唔太可能係易請難送。因為呢種收費模式太吸引，所以影響咗部份收數公司嘅生計，於是就得出「不成功不收費就等於易請難送」嘅說法。
揀收數公司時，除咗考慮收費之外，仲要考慮收數公司嘅經驗、規模、評價。委託收數公司前，一定要做好功課，比較多幾間公司，揀一間最適合你嘅收數公司。
搵收數公司？
Debt Hunter 成立於2009年，為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。