·
隨著經濟大環境變差，越嚟越多人走數，唔少公司都選擇搵收數公司幫手，收數公司嘅角色越嚟越重要。但係好多人都好奇，專門追討欠款嘅公司，有冇一張合法嘅「牌照」嚟證明佢哋嘅身份呢？
收數公司有冇牌照？
喺香港，收數公司未有任何發牌機制。到而家為止，收數公司並未因為業務行為引發重大嘅社會問題或法律糾紛，令政府認為未有必要設立發牌制度。咁意味著任何人都可以成立收數公司，入行門檻相對低。但由於追數嘅過程中面臨嘅風險相對高，所以有商業登記嘅收數公司數量仍然唔多，只有不足100間。
收數/收數公司合唔合法？
欠債本身並唔係刑事行為，但收數行為必須遵循法律規定。根據香港法律，只要唔觸犯刑事，唔涉及傷人、恐嚇或勒索，收數行為就係合法。合法嘅收數方式包括：
- 打電話催收
- 寄送追數信件
- 上門收數 (需持有相關欠款證明，例如單據、合約、法庭判令)
即使欠債人報警，警方通常只會到場了解情況，並唔會介入合法嘅收數行為。
收數公司有冇受監管？
雖然收數公司未有發牌制度，但喺運作過程受到多間機構間接監管：
- 香港金融管理局《關於授權機構僱用的債務催收代理人的季度通告》：確保放債人所委託嘅收數公司遵循一定嘅道德標準同透明度，確保催收過程唔會出現不當行為。
- 地產代理監管局《刊登於「使用債務催收公司」通函的操作守則》：確保地產代理所委託嘅收數公司具備一定嘅專業性，並遵從規範嘅操作流程，確保消費者權益。
- 香港個人資料私隱專員公署《個人信貸資料實務守則及其他個人資料指引》：確保任何信貸資料服務機構，包括收數公司，唔會濫用或泄露客戶嘅個人資料。
如何選擇收數公司？
相信任何一間收數公司都話自己專業，但要選擇真正合適你嘅收數公司，以下係一啲關鍵考慮因素：
- 了解公司背景：唔同收數公司可能專注於特定類型嘅欠款，例如A公司專門處理商業類欠款，而B公司專門處理財務機構借貸類欠款。你應該搵返專門處理你業務相關欠款嘅收數公司，確保佢哋有相關行業知識。
- 行業知識：唔同行業都有唔同嘅文化同批款程序，所以合適嘅收數公司需要對你行業有充分了解。佢哋可以制定針對性嘅追討策略。你可以詢問佢哋有冇相關案例經驗，了解佢哋喺類似情況下嘅表現同成功率。
- 收費透明度：專業嘅收數公司會喺服務前提供正式合約，合約上會詳細列明收費標準、雙方嘅權利同義務。如果收數公司未提供合約就表示可以行動，你應慎重考慮。簽合約可以有效避免口同鼻拗，保障你嘅利益。
- 網上搜尋：客戶見證同社交媒體評價都反映咗收數公司嘅口碑同過往表現。如果完全搵唔到嗰間公司嘅資訊，可能係一個警號，你應慎重考慮。
搵收數公司？
Debt Hunter 成立於2009年，為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。