·
生意做到一半俾人走數，搞到好多老闆都好頭痛。如果你正考慮搵收數公司幫手，你可能會想知道需要提供咩文件，收數公司先會受理。今日我哋就話你知，要交咩文件收數公司先會受理。
有簽合約最好，但冇都唔緊要
雖然簽過合約係最好嘅證明，但如果冇簽合約，你都仲可以拎其他證明文件。例如，你可以用發票作為證明，只要發票上有清楚列明雙方公司或個人名稱、提供嘅服務或貨物項目同金額，就能夠證明你公司同客人之間嘅交易。
冇簽合約，有發票都可以
如果你同客人冇簽約，但係有發票，呢個情況下，你仲係可以追討嘅。發票上嘅詳細資訊可以幫助收數公司向欠債人證明呢筆數嘅存在。但係，如果你係個人經營者 (例如私人接裝修工程)，冇正式成立公司，甚至連發票都冇，咁你就需要搵其他證據。
連發票都冇，咁需要咩文件？
如果你連發票都冇，咁你就需要提供對話記錄作為證據。呢啲記錄需要證明到你已經提供咗服務或貨物，並且雙方都同意咗呢個事實。要注意嘅係，口頭協議係一定唔受理，所以保留書面嘅對話記錄係非常重要。
簽合約其實好基本，千祈唔好嫌麻煩，就好似買保險咁 (而且完全唔洗錢)，有咩事都有足夠理據追究。如果你係個人經營者，我哋建議至少要成立一間無限公司，咁樣唔單止能夠合法經營，仲可以避免日後嘅稅務問題。根據《商業登記條例》，任何有盈利嘅業務活動都需要辦理商業登記，否則可能會面臨罰款或法律責任。
搵收數公司？
Debt Hunter 成立於2009年，為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。