想像一下，你辛苦經營嘅生意終於嚟到2025年，但突然有位客人拖欠你幾萬蚊貨款，呢筆錢對你嚟講唔係小數目。於是，你決定搵收數公司幫手，但你知道收數公司需要了解啲咩資料先出到報價嗎？
收數行業其實相當繁複，涉及法律程序、溝通技巧等多方面知識。當你決定搵收數公司幫手，準備好相關資料，可以大大提高佢哋成功追討嘅機會。收數公司通常需要評估欠款嘅情況，包括欠款金額、拖欠時間、欠債人嘅背景等等。
1. 欠款金額 + 拖欠時間
首先，收數公司會需要知道你所追討嘅具體金額，同埋呢筆欠款拖咗幾耐。呢啲資訊可以幫助佢哋評估條數嘅爭議程度同收返嘅可能性。例如，拖咗5年嘅數，比拖咗5個月嘅數難追10倍。
2. 欠債人嘅聯絡方式
俾收數公司知道你有冇欠債人電話同地址係非常重要，因為收數公司需要呢啲資料嚟進行追討。喺查詢期間，你唔一定要提供完整嘅資料，但至少要俾收數公司知道你有定冇。如果你只知道欠債人嘅手機號碼而冇地址，提供手機號碼都係有幫助。反之，如果你有地址但冇電話，咁都可以話俾收數公司知，佢哋會根據你提供嘅資料嚟制定策略。
3. 相關證明文件
收數公司仲需要知道你有咩證明文件，例如合約、發票或借據等。呢啲文件可以作為追討嘅依據，證明你同欠債人之間嘅交易關係。如果你冇任何證明文件，咁就係你嘅問題，而唔係收數公司嘅問題。舉個例子，如果只有口頭約定，冇任何書面記錄，而你連一張發票都懶得出，收數公司根本冇辦法證明你同欠債人之間嘅交易。
4. 欠債人嘅背景
如果欠債人有任何特殊背景（例如政府高官、執法人員、社團人士、紅底商人），會嚴重影響收數嘅成功率。某啲收數公司會提供免費嘅欠債人評估，了解欠債人嘅財務狀況、追討難度，咁樣你可以更清楚知道下一步應該點行。
5. 任何爭議或借口
了解欠債人提出嘅爭議或借口，收數公司可以更深入了解個案嘅情況。
例如，欠債人可能會聲稱未提供相應服務或產品，或者對付款金額有異議。呢啲資訊唔單止可以幫助收數公司制定合適嘅追討方法，仲可以避免不必要嘅糾紛，從而提高成功率。
搵收數公司？
Debt Hunter 成立於2009年，為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。